Адміністрацыйныя працэдуры, якія ажыццяўляюцца аддзелам ЗАГС
Звесткі і (або) дакументы, неабходныя для ажыццяўлення адміністрацыйных працэдур, прадугледжаных пунктамі 5.1-5.14 главы 5 перачня адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага Указам Прэзідэнта Рэспублікі Беларусь ад 26 красавіка 2010 г. № 200, не ўключаных у перачні дакументаў і (або) звестак орган загса запытвае самастойна:
- копіі запісаў актаў грамадзянскага стану, учыненых органамі загса Рэспублікі Беларусь, і (або) копіі запісаў актаў грамадзянскага стану, учыненых кампетэнтнымі органамі замежных дзяржаў пры наяўнасці міжнародных дагавораў Рэспублікі Беларусь;
- дакумент аб адсутнасці зарэгістраванага шлюбу з іншай асобай у дачыненні да замежных грамадзян і асоб без грамадзянства, якім прадастаўлены статус бежанца, дадатковая абарона або прытулак у Рэспубліцы Беларусь – з падраздзяленняў па грамадзянстве і міграцыі Галоўнага ўпраўлення ўнутраных спраў Мінскага гарадскога выканаўчага камітэта, упраўленняў унутраных спраў абласных выканаўчых камітэтаў;
- паведамленне Камітэта дзяржаўнай бяспекі ў выпадку рэгістрацыі смерці асоб, рэпрэсаваных па рашэннях несудовых і судовых органаў, - з Камітэта дзяржаўнай бяспекі;
- звесткі аб памерлай асобе (персанальныя дадзеныя) у выпадку адсутнасці дакумента, які сведчыць асобу грамадзяніна Рэспублікі Беларусь, а таксама замежнага грамадзяніна або асобы без грамадзянства, якая пастаянна пражывае ў Рэспубліцы Беларусь, – з дзяржаўнай інфармацыйнай сістэмы «Рэгістр насельніцтва» (далей-Рэгістр насельніцтва), за выключэннем рэгістрацыі смерці замежнымі ўстановамі;
- іншыя звесткі і (або) дакументы, якія могуць быць атрыманы ад іншых дзяржаўных органаў, іншых арганізацый.
